بين الحقيقة والخيال

رمضان جه والعزومات إبتدت

ليه تعزم واحد لما ممكن تعزم اتنين
ليه تعزم اتنين لما ممكن تعزم أربعة
ليه تعزم أربعة لما ممكن تعزم عيلة

حد فكر يجمع عيلة كاملة فى عزومة واحدة
أنا مقصدش عيلة يعنى أب وأم وأولاد
ومقصدش عيلة يعنى عم وخال
أنا أقصد بكلمة عيلة يعنى عيلة
مش مهم يكونو من بلد واحدة
ولا من محافظة واحدة


ودا اللى فكرنا نعمله من خمس سنين فاتو
وجمعنا كل عيلة سعدة فى يوم واحد من شهر رمضان
هو تانى جمعة من الشهر الكريم

والموضوع بدأ بفكرة والكل تنبأ بفشلها
ولكن بفضل الله أولا ثم مجهودات فردية وجماعية من أفراد العائلة
.........
.........
.........
.................................
......................
............
......
...
.
الخيال أصبح حقيقة

وتجمع أكثر من مائة فرد فى العام الأول
وزاد هذا العدد بصورة غير متوقعة حتى وصلنا إلى نسبة كبيرة من أفراد العائلة

ونحن ننتهز هذه المدونة لكى نعلن من خلالها عن العزومة الخامسة
والتى من المقرر إنعقادها يوم الجمعة الموافق 12 رمضان الحالى

فعلى كل فرد ينتمى إلى عائلة سعدة سواء كان ذكرا أو أنثى
أن يتوجه فى اليوم المعلوم إلى مسقط رأس سعده الكبير بكفر شبرا قلوج وسيجد ما يسره

بس ياجماعة وحياتكو ما حد يتأخر لحسن بنبقى جعانين أوى
ومش معقولة كل سنة نفضل مستنينكم لبعد العشا

وسننتهز هذه المدونة ليدخل أفراد العئلة عليها لذكر عيوب ومميزات العزومة
فى الأعوام الماضية للإستفادة من أخطائنا وعدم تكرارها

وستكون هذه المدونة هى المتحدث الرسمى بإسم عائلة سعدة

بتاريخ 1\9\2008